ਨੈਸ਼ਨਲ ਐਵਾਰਡੀ ਹਰਪ੍ਰੀਤ ਦੀਵਾਨਾ ਦਾ ਅਧਿਆਪਕ ਦਲ ਵੱਲੋਂ ਸਨਮਾਨ
ਬਰਨਾਲਾ, 17 ਸਤੰਬਰ (ਰਘੂਵੀਰ ਹੈੱਪੀ)
5 ਸਤੰਬਰ ਨੂੰ ਅਧਿਆਪਕ ਦਿਵਸ ਸਮੇਂ ਪੂਰੇ ਪੰਜਾਬ ਵਿੱਚੋਂ ਪ੍ਰਾਇਮਰੀ ਕਾਡਰ ਵਿਚ ਇਕੋ ਇਕ ਨੈਸ਼ਨਲ ਐਵਾਰਡ ਰਾਸ਼ਟਰਪਤੀ ਪੁਰਸਕਾਰ ਹਾਸਲ ਕਰਨ ਵਾਲੇ ਬਰਨਾਲਾ ਜ਼ਿਲੇ ਦਾ ਨਾਂ ਰੌਸ਼ਨ ਕਰਨ ਵਾਲੇ ਹਰਪ੍ਰੀਤ ਸਿੰਘ ਦੀਵਾਨਾ ਹੈੱਡ ਟੀਚਰ ਸਰਕਾਰੀ ਪ੍ਰਾਇਮਰੀ ਸਕੂਲ ਬੀਹਲਾ ਦਾ ਅਧਿਆਪਕ ਦਲ ਪੰਜਾਬ ਇਕਾਈ ਬਰਨਾਲਾ ਵੱਲੋਂ ਪ੍ਰਧਾਨ ਹਰਬੰਸ ਸਿੰਘ ਬਰਨਾਲਾ ਦੀ ਅਗਵਾਈ ਹੇਠ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਵਿੱਚ ਜਨਰਲ ਸਕੱਤਰ ਨਰਿੰਦਰ ਸ਼ਹਿਣਾ ਵੱਲੋਂ ਉਚੇਚੇ ਪ੍ਰਬੰਧ ਕੀਤੇ ਗਏ। ਇਸ ਮੌਕੇ ਅਧਿਆਪਕ ਦਲ ਦੇ ਸੀਨੀਅਰ ਆਗੂ ਜਗਤਾਰ ਰਾਏਸਰ, ਕਰਮਜੀਤ ਸਿੰਘ, ਬੀਪੀਈਓ ਬੂਟਾ ਸਿੰਘ ਆਦਿ ਨੇ ਹਰਪ੍ਰੀਤ ਦੀਵਾਨਾ ਦੀ ਪ੍ਰਾਪਤੀ ਤੇ ਕਿਹਾ ਕਿ ਇਹ ਕੋਈ ਇੱਕ ਦਿਨ ਦੀ ਪ੍ਰਾਪਤੀ ਨਹੀਂ ਹੈ। ਇਸ ਵਿਚ ਦਿਵਾਨਾ ਦੀ ਸਖ਼ਤ ਮਿਹਨਤ ਲਗਨ ਨਿਸ਼ਠਾ ਦਾ ਨਤੀਜਾ ਹੈ ਕਿ ਉਹ ਇਸ ਮੁਕਾਮ ਤੇ ਪਹੁੰਚ ਸਕੇ ਹਨ। ਇਸ ਸਮੇਂ ਹਰਪ੍ਰੀਤ ਦੀਵਾਨਾ ਵੱਲੋਂ ਸਾਰੇ ਆਏ ਅਧਿਆਪਕਾਂ ਲਈ ਚਾਹ ਪਾਣੀ ਦਾ ਪ੍ਰਬੰਧ ਕੀਤਾ ਗਿਆ। ਸੁਖਚੈਨ ਸਿੰਘ ਜੇਠੂਕੇ ਤੇ ਰਾਣਾ ਸਿੰਘ ਸੰਘੇੜਾ ਨੇ ਸਿਰੋਪਾ ਪਾ ਕੇ ਸਨਮਾਨਤ ਕੀਤਾ ਗਿਆ। ਇਸ ਉਪਰੰਤ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਹਾਕਮ ਸਿੰਘ ਮਾਛੀਕੇ , ਬਲਬੀਰ ਸਿੰਘ ਸੰਘੇੜਾ, ਰਣਜੀਤ ਜੰਡੂ, ਅਨਿਲ ਫਰਵਾਹੀ, ਲਛਮਣ ਸਿੰਘ, ਤੇਜਿੰਦਰ ਸਿੰਘ, ਅਵਤਾਰ ਚੰਦ, ਬੇਅੰਤ ਗਹਿਲ, ਗੁਰਚਰਨ ਸਿੰਘ’ ਜਗਸੀਰ ਸਿੰਘ’ ਕਪਲ ਤਪਾ, ਬਲਜੀਤ ਸਿੰਘ, ਕੁਲਦੀਪ ਸਿੰਘ, ਵਿਕਾਸ ਤਪਾ, ਹਰਦੇਵ ਸਿੰਘ, ਜਸਵੀਰ ਕੁਮਾਰ, ਵਿਸ਼ਾਲ ਕੁਮਾਰ, ਨੀਰਜ ਕੁਮਾਰ ਆਦਿ ਆਗੂਆਂ ਨੇ ਭਾਗ ਲਿਆ।