ਐਸ ਐਸ ਪੀ ਪ੍ਰੈਸ ਕਾਨਫਰੰਸ ਕਰਕੇ ,ਕਰ ਸਕਦੇ ਹਨ ਖੁਲਾਸਾ
ਹਰਿੰਦਰ ਨਿੱਕਾ ,ਬਰਨਾਲਾ 13 ਸਤੰਬਰ 2022
ਜਿਲ੍ਹੇ ਦੇ ਸੀਆਈਏ ਦੀ ਟੀਮ ਵੱਲੋਂ ਇੱਕ ਵੱਡੇ ਗੈਂਗਸਟਰ ਗਿਰੋਹ ਨੂੰ ਕਾਬੂ ਕੀਤੇ ਜਾਣ ਦੀ ਕਨਸੋਅ ਮਿਲੀ ਹੈ। ਇਹ ਗਿਰੋਹ ਲੋਕਾਂ ਨੂੰ ਡਰਾ ਧਮਕਾ ਕੇ ਕਥਿਤ ਤੌਰ ਤੇ ਫਿਰੌਤੀਆਂ ਲੈਣ ਦਾ ਧੰਦਾ ਚਲਾ ਰਿਹਾ ਸੀ। ਬਰਨਾਲਾ ਦੇ ਵਪਾਰੀਆਂ ਤੋਂ ਵੀ ਫਿਰੌਤੀਆਂ ਮੰਗਣ ਦੀ ਚਰਚਾ ਕੁੱਝ ਸਮੇਂ ਤੋਂ ਛਿੜਦੀ ਰਹੀ ਹੈ। ਭਰੋਸੇਯੋਗ ਸੂਤਰਾਂ ਅਨੁਸਾਰ ਸੀਆਈਏ ਦੇ ਇੰਚਾਰਜ਼ ਇੰਸਪੈਕਟਰ ਬਲਜੀਤ ਸਿੰਘ ਦੀ ਅਗਵਾਈ ਵਿੱਚ ਪੁਲਿਸ ਪਾਰਟੀ ਨੂੰ ਬਾਹਰੀ ਰਾਜ ਵਿਚੋਂ ਗੈਂਗਸਟਰ ਨੂੰ ਕਾਬੂ ਕਰਨ ਵਿਚ ਸਫਲਤਾ ਮਿਲੀ ਹੈ। ਬੇਸੱਕ ਇਸ ਦੀ ਪੁਸ਼ਟੀ ਫਿਲਹਾਲ ਨਹੀਂ ਹੋਈ ਹੈ। ਪਰੰਤ ਐਸ ਐਸ ਪੀ ਸੰਦੀਪ ਮਲਿਕ ਨੇ ਅੱਜ 12 ਵਜੇ ਦੁਪਹਿਰ ਇੱਕ ਪ੍ਰੈਸ ਕਾਨਫਰੰਸ ਜਰੂਰ ਸੱਦੀ ਹੈ, ਕਿਆਸ ਲਗਾਇਆ ਜਾ ਰਿਹਾ ਹੈ, ਕਿ ਐਸ ਐਸ ਪੀ ਮਲਿਕ ਇਸ ਮਾਮਲੇ ਸਬੰਧੀ ਵਿਸਥਾਰ ਸਹਿਤ ਖੁਲਾਸਾ ਕਰ ਸਕਦੇ ਹਨ।